ტრეინინგის მე-9 დღე

ტრეინინგის მე-9 დღე

დღევანდელ ტრეინინგზე ტრენერმა გაგვიზიარა სასარგებლო რჩევები, ჩვენს სამომავლო პროფესიულ განვითარებასთან დაკავშირებით, აგრეთვე მონაწილეებმაც დავსვით კითხვები, რომლებიც ჩვენთვის საინტერესო გახლდათ. შემდეგ   წარმოვადგინეთ ჩვენი პროექტების პრეზენტაცია, რომელზეც ვმუშაობდით ტრეინინგის   მიმდინარეობის პროცესში და რომელთაც ახლო მომავალში განვახორციელებთ.
მინდა ავღნიშნო, რომ ტრეინინგმა მოგვცა  საჭირო ინფორმაცია, ცოდნა, რომელსაც გამოვიყენებთ ყოველდღიურ პროფესიულ საქმიანობაში.

გულწრფელი მადლობა ტრეინინგის ორგანიზატორებს და განსაკუთრებით ჩვენს ტრენერს, ბატონ თეიმურაზ სახელაშვილს, პროფესიონალს, რომელიც დაუღალავად, მუდამ  მზად არის დაგვეხმაროს და გადმოგვცეს ყველა აუცილებელი თუ დამატებითი ინფორმაცია.

ტრეინინგის მე-8 დღე

ტრეინინგის მე-8 დღეს განვიხილეთ დიფერენცირებული სწავლების საკითხები;
თუ როგორ უნდა ვასწავლოთ განსაკუთრებული საჭიროებების მქონე მოსწავლეებს და განსაკუთრებული ნიჭით დაჯილდოებულ მოსწავლეებს;
 პროექტის საქაღალდიდან წავშალეთ ზედმეტი მასალები, პროექტი გამოვაქვეყნეთ ბლოგზე.

ტრეინინგი მე-6 დღე

გავეცანით პრეზენტაციის და გაზეთის შაბლონს, ჩავაკორექტირეთ ის ჩვენი პროექტის შესაბამისად და შევამზადეთ მოსწავლეებთან გადასაგზავნად;
ვიმუშავეთ ბლოგზე, თუ როგორ უნდა შევქმნათ  გვერდები, დიზაინი და როგორ დავამატოთ გაჯეტები.

პროექტის პრეზენტაცია

ტრეინინგის მე-5 დღე

ტრეინინგის მე-5 დღეს გავიარეთ პროექტის პრეზენტირების საკითხები,  დავიწყეთ პარალელურად პრეზენტაციის მომზადება და განვათავსეთ  პირად ბლოგზე.

ტრენერი გვესაუბრა საავტორო უფლებებზე
ბიბლიოგრაფიის შესახებ, თუ როგორ ხდება  გამოყენებული მასალების  წყაროს მითითება იქნება ეს ლინკი, ფოტო თუ ვიდეო მასალა;

ტრეინინგის IV დღე

ტრეინინგის IV დღე

განვიხილეთ მოსწავლეთა დაწყვილების მეთოდები, გავეცანით ჩამონათვალს და შევარჩიეთ ისეთი მეთოდი, რომელიც ყველაზე მეტად ერგებოდა ჩვენს პროექტს.

მომდევნო საკითხი გახლდათ მოსწავლეთა საჭიროებების დადგენის მეთოდები
კავშირი -დაკვირვება- ინტერესი, გავაკეთეთ სამოდელო ნიმუში;

განვიხილეთ შეფასების დროის ჩარჩო (შეფასების სტრატეგიები), რომელიც მოიცავდა შეფასების სტრატეგიებსა და ინსტრუმენტებს პროექტის დასაწყისში, მიმდინარეობისას და დასრულების შემდეგ.

ტრეინინგის III დღე

ტრეინინგის III დღე

განვაგრძეთ მუშაობა სასწავლო პროექტის გეგმაზე, მნიშვნელოვანი ყურადღება დავუთმეთ იმას, თუ რომელ 21-ე საუკუნის უნარჩვევებს  ავითარებს ჩვენი კონკრეტული პროექტი და რამდენად პასუხობს ის ეროვნულ სასწავლო გეგმას და სტანდარტებს;

ვისაუბრეთ კითხვების შესახებ და დავახასიათეთ  ზოგადი, კონკრეტული , თემატური, შინაარსობრივი კითხვები, რომლებიც შემდეგ მოვარგეთ ჩვენს პროექტს.

ტრეინინგის დღე II

ტრეინინგის II დღე

ტრეინინგის მეორე დღე დავიწყეთ პროექტის გეგმის შაბლონის გაცნობით, რომელიც შევავსეთ ნაწილობრივ  და  მასში განვათავსეთ საბაზისო ინფორმაცია, როგორიცაა პროექტის სახელი, მიზანი და სხვა...

ტრეინინგი გაგრძელდა დისკუსიით პროექტის შესახებ ინფორმაციის მიღება-გადაცემის  შესახებ. 

ტრენერისგან მივიღეთ დავალება, მან დაგვირიგა თაბახის ფურცლები და გვთხოვა გაგვეკეთებინა ბუკლეტი. ბუკლეტი გავაკეთეთ ჯერ თაბახის ფურცელზე, შემდეგ Word-ის დოკუმენტში.

ტრეინინგი - ინტელის ძირითადი კურსი, დღე I

 ტრეინინგის I დღე

ტრენერმა გაგვაცნო ტრეინინგის გეგმა, რომლის დასრულების შემდეგ მონაწილეებმა გავიცანით ერთმანეთი, აქტივობა იყო სახალისო და მოტივაციის გამაღვივებელი.

ტრენერმა გაგვაცნო პროგრამა Viewer, გავეცანით პროგრამას,  შინაარსს, მასში არსებულ რესურსებს, რომელთა განხორციელება შესაძლებელია სასწავლო პროცესის გასამრავალფეროვნებლად.

მომდევნო აქტივობა გახლდათ-გონებრივი იერიში, 21 საუკუნის უნარების გაცნობა, რაც იყო  ძალიან საინტერესო, რადგანაც მოსწავლეთა უნარების გათვალისწინებით დაგეგმილი სასწავლო პროცესი გაცილებით პროდუქტიულია, მითუმეტეს, როდესაც ეს ეხება 21-ე საუკუნის უნარებს.

ფაილი 21 საუკუნის უნარ-ჩვევების გაცნობა- წავიკითხეთ, მონაწილეებმა შევარჩიეთ ჩვენთვის საინტერესო ხუთი თემატიკა, გავაფერადეთ ჩვენთვის საინტერესო პუნქტები  და რიგრიგობით განვიხილეთ ყველა საკითხი.

პროექტის პრეზენტაცია- ტრენერთან ერთად გავეცანით პროექტის "რომეო და ჯულიეტა" -ს პრეზენტაციას, განვიხილეთ მნიშვნელოვანი კომპონენტები.

მადლობა ჩვენს ტრენერს, ბატონ თემურს, საინტერესო და ინფორმაციული ტრეინინგისათვის.